Txileko Logistika Komunitateentzako Praktika Egokien Gidaren aurkezpenera gonbidatuta

Txileko Garraio eta Telekomunikazio Ministerioak gonbidatuta, UniportBilbaok "Txileko Logistika Komunitateentzako Praktika Egokien Gida"-ren aurkezpenean hartu du parte. Jardunaldia Txileko Logistika Eraginkortasunerako Fundazioak - Conecta Logísticak antolatu zuen eta portu komunitateak eratzeko bidean dauden Txileko portu ezberdinetako enpresetako kideek hartu dute parte. Uniportek, portu klusterren artean Espainiako erreferente gisa, bere eredua ezagutarazi du Idom (Uniporteko kidea) eta proiektuko aholkulariak proposatuta.

Bileran, halaber, Conecta Logística-ren esparruan garatutako tresnak eta baliabideak ezagutarazi ziren, komunitateek heldutasun-maila ezberdinetan eta adopzio teknologikoan aurrera egin dezaten, eta modu honetan hornikuntza-kateen eraginkortasuna hobetzen laguntzeko. Horien artean: esperientzia partekatzeko eta elkarlanak sustatzeko topaketak; erkidegoen heldutasun egoera eta haien hutsuneak diagnostikatzeko aholkularitzak; eta smart ports gida, portuek beren komunitateekin batera eraldaketa digitalean aurrera egiteko beharrezko jarraibideak jasotzen dituena.

Jardunaldiak, hainbat partaide izan ditu: Gloria Hutt Garraio eta Telekomunikazio ministroa, Komunitate Logistikoek tokiko kate logistikoen eraginkortasunean duten garrantzia azalduz; Elizabeth Zapata Gaitasun Teknologikoen Kudeaketako Garapen Teknologikoko zuzendaria, sektore publikoaren eta pribatuaren arteko lankidetzaren garrantzia ezagutaraziz industria logistikaren eta kanpo merkataritzaren garapenerako; Rosa González, Andeetako Unibertsitatekoa; eta Romina Morales, Eraldaketa Digitaleko arduraduna, Komunitate Logistikoak sendotzeko Praktika Egokien Gidaren aurkezpen ofiziala egin duena.