Bilboko portuko komunitateak Europa atlantikoa hurbildu du Espainiako hego-ekialdeko barazki eta fruta sektorera

Bilbo | Maiatzaren 26a

Itsas linea ugarik Bilboko portua Europa Atlantikoarekin lotzen dute eta, bereziki, Erresuma Batuarekin eta Irlandarekin, bere reefer konexioei, zamaketarien eta garraiolarien beharretara egokitutako zerbitzuei eta operazioen arintasunari esker. Lehiatzeko abantaila horiek dira Bilboko Portuko Komunitateak barazki eta fruta sektoreari UniportBilbaoren eskutik transmititu dizkion batzuk, eta batez ere zuzenduta daude Murtzia, Almeria, Valentzia, Alacant eta Albaceteko garraiolari eta esportatzaileei.

Ostegun honetan egindako webinarrean, UniportBilbaoko lehendakariak, Jaber Bringasek nabarmendu duenez, Bilboko portuak “esperientzia zabaleko enpresak ditu, bai eskaintzen dituzten produktuengatik, bai eremu geografiko horietan lan egiteagatik; eremu horiek Bilbotik urrun daudela dirudien arren, hurbilekoak dira eskaintzen dituzten soluzio multimodalak aztertzen direnean”.

Aurkezpenetan, Portuko Agintaritzako Merkataritza Garapeneko/Marketineko buruak, Amaia Sarasolak, adierazi du Bilbao xede anitzeko portua dela, munduko 900 portu baino gehiagorekin konektatua, eta indar berezia duela Europako merkatuetan. Sarasolak esan du Brexitaren esperientziak balio izan duela “edukiontziko eta ro-ro itsas garraioa alternatiba iraunkor gisa gehitzeko. Zerbitzu multimodalen bidez lortzen dugu portua barazki eta fruta enpresetara hurbiltzea, bereziki Europako iparraldearekin”.

Espainiarako eta Portugalerako Brittany Ferries Bilbaoko zuzendari komertzialak, Fabrice Turquetek zehaztu du, Erresuma Batuarekin eta Irlandarekin kontinentetik duten asteko irteeren eskaintza zabala, gidariarekin edo gidaririk gabeko ibilgailuentzat eta zehaztu ditu ere Bilbotik Portsmouth-erako irteerak astearte eta larunbatetan, Poolerako irteerak astelehen eta ostegunetan, eta Rooslarerako irteerak  igande eta ostegunetan.  Fabrice Turquetek, gainera, adierazi du beste abantaila hauek ere eskaintzen dituztela: “prezio lehiakorrak; aurrezpenak erregaian, bidesarietan eta ibilgailuaren higaduran; gidariek ibilbidean atseden hartzea; salgaiak norbaitek lagunduta onartzea, baita itsasontzia atera baino lehentxeago arte ere”.

Bestalde, CMA CGMko Containerships-eko Executive Sales-ek, Xabier Gutiérrezek, arreta jarri du Erresuma Batuarekin eta Irlandarekin eskaintzen dituzten asteroko zerbitzuetan eta horiek, honako portu hauetara heltzen dira:  Liverpool (astearte eta igandean), Greenock (ostiraletan) eta Bristol (astelehenetan) eta Dublin, Irlandan (ostiraletan). “Zerbitzua 45 oineko reefer-edukiontzietan ematen dugunez, karga-ahalmena maximizatu egiten da, eta ibilbidearen denbora laburra da, hiru eta bost egun artekoa portuen arabera, eta atez ateko zerbitzua ere oso lehiakorra da. Gainera, edukiontzi-zerbitzua eskaintzen dugu Brittanyko itsasontzietan, eta, hala, irteera gehiago dago aukeratzeko”, komentatu du. CMA CGMk, bestalde, asteko tren bat du Murtzia eta Bilboko portuaren artean reefer edukiontziko salgaientzat, eta, bidalketa atoian porturaino egitea nahi duenarentzat, biltegi bat du (Progeco Bilbao) non “cross-docking” lanak tenperatura kontrolatuan egiten diren.

Suardíaz Logistics Ibericako Commercial Department DSL-ek, Leire Cortázarrek, nabarmendu du bere 40 urte baino gehiagoko esperientzia, atez ateko zerbitzu multimodaletan (itsasoa, errepidea, trenbidea) Erresuma Batuarekiko eta Irlandarekiko merkataritzan, eta zerbitzu horiek, besteak beste, aduana-zerbitzuak osatzen dituzte. “Inportazio, esportazio, iragaite eta bidalketa adierazpenak egiten ditugu, baita mugako ikuskaritza-zerbitzuak ere, eta aduana-gordailuak ditugu”, operazio guztiak koordinatuz, biltegian tenperatura kontrolatuan egiten diren “cross-docking” direlakoak barne.  Halaber, Bilbao Liverpool eta Greenockekin, Bilbao Liverpool eta Bristolekin eta Bilbao Dublinekin lotzen dituzten hiru itsas zerbitzuen errotazioa zehaztu du.

Azkenik, UniportBilbaoko zuzendariak, Inmaculada Ugartechek, Bilboko portuko enpresek eskaintzen dituzten itsas zerbitzu multimodalen lehia-abantailen laburpena egin du, eta Europar Batasunetik kanpoko merkataritzarako interesgarriak izan daitezkeen beste abantaila batzuk gehitu ditu. “Lau terminal espezializatu dauzkagu –adierazi du-, aldi baterako gordailu-biltegi (ADT) gisa dihardutenak, non inportazioko salgaiak 90 egunez egon baitaitezke. Brittany Ferries-en terminalaren kasuan, aduanan aurkeztu beharra, portura iritsi eta hurrengo 72 orduetan egin beharko da”. Era berean, nabarmendu du Bilbon izapidetze administratiboa azkar egiten dela dokumentazioa aldez aurretik aurkeztu bada eta zuzena bada: “Paperik gabeko irtete-sistemak aukera ematen du aduanaren agiria hiru minutuan lortzeko, eta, ikuskapena egin behar bada, egunean bertan egingo da”. Halaber, garraio-enpresak eta garraiolariak kontuan hartuta, Uniporteko zuzendariak adierazi du “Bilboko portuak berariazko eremu zaindua  duela kamioiak aparkatzeko, hotz-konexioekin eta tailer mekanikoarekin”.

Laburbilduz, lankidetza publiko eta pribatua agerian utzi duen jardunaldi adierazgarri bat izan da, zerbitzu-eskaintza zabala eta eraginkorra eskaintzera bideratua. Oso sentsazio onak utzi ditu, barazki eta fruta komunitateak erakutsitako interesari eta txostengile bikainei esker, Bilboko Portuak eskaintzeko duen onena aprobetxatu baitute.

Zure interesekoa izan daiteke...

Ekitaldiak
Getxo | ekainaren 22a
Ekaineko Batzar Nagusia Getxoko gurutzaontzien itsas terminalean egin genuen, eta bertan, 135 enpresa elkarturen ordezkariak egon ziren. Besteak...
Ekitaldiak
Bilbon | ekainaren 13tik 17ra
Uniportek informazio-gune bat jarri du elkarteko enpresa kideen eskura, 2. pabiloiko A12 standean. Bertan, aplikatutako logistikaren garrantzia...
Ekitaldiak
Brusela | Maiatzaren 18a
F. Jaber Bringasek gonbidatu gisa parte hartu du Europako Lagunen Mahaiak joan den maiatzaren 18an Bruselan egindako "Europa 2030ean: krisi...