BILBAO EXHIBITION CENTRE | BIEMHren 32. edizioa, ekainaren 3tik 7ra

Makina Erremintaren Biurtekoaren 32. edizioa - BIEMH benetako ikuskizun industrial eta teknologikoa izango da, eta bere protagonista, martxan dauden makina handiak izango dira.

BIEMH 2024an, fabrikazio aurreratuko azoka nagusia, beren parte-hartzea jadanik berretsi duten sektoreko enpresa liderrak egongo dira. Besteak beste, izen hauek nabarmentzen dira: Danobat, Soraluce, Ibarmia, Zayer, Nicolás Correa, Intermaher, Maquinser, Máquinas center, Daunert, Delteco, BLM, Amada, Trumpf, Tecoi, TCI, Géminis eta Lagun.

Gainera, azpimarratzekoa da aurreko edizioetan parte hartu ez duten enpresen bertaratzea: Juaristi, Iscar, Izar, Bahco, Oxyser, Panatec, Ehaff eta Iraupen.

Abangoardiako makina itzelekin batera, automatizazioak, robotikak eta digitalizazioak leku nabamena izango dute ekitaldian. Sektore horiek, eraginkortasuna hobetzen laguntzeaz gain, kalitatea, berrikuntza, malgutasuna eta lehiakortasuna bultzatzen dituzte, eta azokako enpresa erakusle guztien %30 inguru izango dira.