20. Garraioaren Foro Nazionala

UniportBilbao osatzen duten Euskal Herriko hainbat enpresek AECOC-ek (Asociaciación de Fabricantes y Distribuidores) antolatutako 20.Garraioaren Foro Nazionalean parte hartu dute.
Estatu mailako erreferentziazko topagunea da, eta bertan errepideko garraio-enpresetako, garraio-agentzietako, operadore logistikoetako, elkarteetako, sektoreko erakundeetako, administrazio publikoetako eta zamalanetako enpresetako ia 250 profesional hurbildu dira Madrilgo Pastranako Duke Auditoriumera.

UniportBilbaoko ordezkariak ekitaldi honetan izan dira informazio stand batekin eta bertan Bilboko portu komunitateak eskaintzen duen logistika eta garraio eskaintza aurkeztu dute. Bestalde, bilerak egin ahal izan dituzte logistikako eta garraioko zuzendari eta arduradunekin, baita Estatu osoko garraio enpresa eta zamalariekin ere.

UniportBilbao kongresuan antolatutako jardunaldietan ere egon da, non legegintzaren garapena, sektorearen erronkak, garraioaren kudeaketa, hazkunde-aukerak eta jasangarritasuna eta emisioen murrizketa aipatu diren. Garraio sektoreak pandemiaren une larrienetan erakutsi duen indarra eta erresilientzia ere baloratu dira, eta sektoreak dituen erronka handiak aztertu dira.