Uniportek informazio-gune bat jarri du elkarteko enpresa kideen eskura, 2. pabiloiko A12 standean. Bertan, aplikatutako logistikaren garrantzia azaldu ahal izan diete, ekipo-ondasunak inportatzen eta esportatzen dituen sektoreari eta makina-erremintaren fabrikatzaile eta banatzaileei, bai eta Bilboko portutik zehar 9.300 milioi bat euro mugitzen duen sektorean interesatuta, azokara joan diren bisitariei ere.

Ekaineko Batzar Nagusia Getxoko gurutzaontzien itsas terminalean egin genuen, eta bertan, 135 enpresa elkarturen ordezkariak egon ziren. Besteak beste, Ainhoa Ondarzabal BTI- Euskadiko Nazioartekotze Agentziako  sailburua eta horrek,  Eusko Jaurlaritzaren nazioartekotze-plana aurkeztu zuen, garrantzi berezia emanez enpresei ematen zaizkien laguntzei eta gazteek  atzerrian bekarekin ikasteko daukaten aukerari.

Nazioarteko Merkataritzako Agente Logistikoen Kolonbiako Federazioak FITAC Nazioarteko XXI. Kongresua antolatu zuen azaroaren 25 eta 26an Barranquillan (Kolonbia), Uniportek babesle gisa parte hartzen duen kongresua. Latinoamerikako nazioarteko merkataritza-bilera garrantzitsuena da, non 500 parte-hartzaile baino gehiago biltzen dituzten: aduana-agenteak, zama-agenteak, operadore logistikoak, garraio-enpresak eta zama-enpresak batez ere